Sérsöfn

Björnssafn
Einkabókasafn sr. Björns Jónssonar,  sóknarprests og prófasts (1927-2011) var  gefið og  formlega afhent þann 16. mars 2011 á heimili þeirra hjóna, sr. Björns og Sjafnar P. Jónsdóttur að Ásabraut 2.

Haraldssafn
Haraldssafn er deild í Bókasafni Akraness. Bækur þaðan eru eingöngu lánaðar á lessal. Safnið er einkabókasafn Dr. phil. Haralds Sigurðssonar ( 1908-1995) og Sigrúnar Ástrósar Sigurðardóttur og telur um 4000 bindi. Akraneskaupstaður keypti safnið árið 1994. Haraldur var frá Krossi í Lundareykjadal.

Björnssafn

Í Björnssafni eru fágætar bækur prentaðar á Leirárgörðum og Beitistöðum. Vesturheimsprent ; fágætar frumútgáfur íslenskra rita ; gömul íslensk tímarit. Fágætt safn biblía og trúarrita. Rit í  Björnssafni eru eingöngu til afnota á bókasafninu og eru varðveitt í geymslum safnsins. Hægt er að fletta ritunum upp á leitir.is.

Haraldssafn

Í HMynd_0021564araldssafni er mikið safn íslenskra þjóðsagna, nær öll íslensk tímarit í frumútgáfu frá því að útgáfa þeirra hófst og fram yfir miðja 19. öld svo og helstu tímarit eftir það. Þar er einnig mjög merkt safn fornrita, m.a. gamlar útgáfur af Eddukvæðunum og flestar útgáfur Heimskringlu og Sturlungu. Auk þess safnaði Haraldur Sigurðsson öllum útgáfum ritverka einstakra rithöfunda og eru rit Halldórs Laxness þar merkust. Stærsta sérsafnið í Haraldssafni er bókakostur um landafræði Íslands og undirgreinar hennar.
Ferðabækur eru snar þáttur í þessari grein og fjalla þær m.a. um ferðir erlendra manna um Ísland.
Mjög hefur verið vandað til bands og annars frágangs á bókum Haraldssafns og eiga flestir færustu handverksmenn í bókbandi sér minnisvarða í þessu bókasafni.

Sýnishorn úr völdum bókum í Haraldssafni

Leirárgarða- og Beitistaðaprent

Í tilefni af 60 ára kaupstaðarafmæli Akraneskaupstaðar ákvað bæjarstjórn Akraness að kaupa safn prentaðs efnis frá Leirárgörðum og Beitistöðum af Birni Jónssyni (1927-2011) fyrrverandi sóknarpresti á Akranesi og færa Bókasafni Akraness að gjöf. Var gjöfin afhent þann 26. febrúar 2002, en þann dag voru liðin þrjátíu ár frá því að safnið flutti í húsnæði að Heiðarbraut 40.

Leirárgarða- og Beitistaðaprent
Á síðustu árum átjándu aldar og í byrjun þeirrar nítjándu fór öll prentstarfsemi á Íslandi fram í Suður-Borgarfirði, að Leirárgörðum og á síðar að Beitistöðum. Í tilefni 60 ára afmæli Akraneskaupstaðar 2002 þótti einkar vel við hæfi að festa kaup á þessum gersemum til varðveislu í Bókasafni Akraness. Keyptar voru bækur í eigu sr. Björns Jónssonar. Birni Jónssyni var mjög hugleikið að Leirárgarða- og Beitistaðaprent yrði varðveitt sem næst útgáfustað sínum. Með bókagjöf  sr. Björns árið 2011 bætist við safnið fleiri rit  frá prentsmiðjunum, auk fágætra frumútgáfa íslenskra bóka, Vesturheimsprent, og gömul íslensk  tímarit.

Frá afhendingu Leirárgarða- og Beitistaðaprents. Talið frá vinstri: Gísli Gíslason bæjarstjóri, Birna Gunnlaugsdóttir formaður Menningarmála-og safnanefndar, Björn Jónsson fyrrverandi sóknarprestur,  Halldóra Jónsdóttir forstöðumaður Bókasafns Akraness, Sveinn Kristinsson formaður bæjarráðs og Helga Gunnarsdóttir menningar- og skólafulltrúi. Mynd vantar

Mynd_0668406

Magnús Stephensen

Á síðustu árum átjándu aldar og í byrjun þeirrar nítjándu fór öll prentstarfsemi á Íslandi fram í Suður-Borgarfirði, að Leirárgörðum og á síðar að Beitistöðum. Var prentsmiðjan í Hrappsey flutt að Leirágörðum sumarið 1795 að tilhlutan Magnúsar Stephensen konferansráðs. Magnús var lífið og sálin í Landsuppfræðingarfélaginu sem stofnað var til að veita ferskum straumum út í þjóðlífið á mjög erfiðum tímum í sögu þjóðarinnar.  Voru upplýsing og fræðsla grundvallarmarkmið Landsuppfræðingarfélagsins. Árið 1799 var prentsmiðjunni á Hólum einnig bætt við Leirárgarðaprentsmiðjuna.  Útgáfustarfsemin að Leirárgörðum og Beitistöðum stóð til ársins 1819 en þá var prentsmiðjan flutt út í Viðey.

Sýnishorn af titilsíðum bóka útgefinna í Leirárgörðum og á Beitistöðum.

Björn Jónsson og kona hans Sjöfn Pálfríður Jónsdóttir gáfu árið 2011 einkabókasafn sitt til Bókasafns Akraness og bættist þá enn við safnað efni sem prentað var að Leirárgörðum og Beitistöðum, auk fágætra frumútgáfa íslenskra bóka, Vesturheimsprent, og gömul íslensk  tímarit.  Birni Jónssyni var mjög hugleikið að Leirárgarða- og Beitistaðaprent yrði varðveitt sem næst útgáfustað sínum.

Í safni Dr. phil. Haralds Sigurðssonar eru einnig nokkrar bækur úr Leirárgarða- og Beitstaðaprenti þannig að Bókasafn Akraness varðveitir nú megin hluta prentaðs efnis sem gefið var út á Íslandi á árunum 1795-1819.

Mynd_0668366Með í kaupunum á Leirárgarða- og Beitstaðaprenti fylgdu blöð og rit Odds sterka af Skaga. Sem dæmi um titla má nefna Harðjaxl, Endajaxl og Smábrot úr ævisögu minni.

Menningarmiðstöð í Borgarfirði . Erindi  séra Björns Jónssonar birtist fyrst á prenti í Árbók Akurnesinga 2002. Bókin er gefin út á Akranesi af Uppheimum árið 2002 og ritstjóri er Kristján Kristjánsson.