Börn og ungt fólk
Eitt af markmiðum Bóksafns Akraness er að efla íslenska tungu - stuðla að símenntun og örva lestraráhuga.
Bókasafnið veitir börunum og ungu fólki greiðan aðgang að fjölbreyttum bókakosti og öðrum gögnum, þar á meðal tölvubúnaði og upplýsingum á tölvutæku formi.
Börn
Í barnadeild sem eru að finna bækur, tímarit, hljóðbækur, mynddiskar geisladiskar og margmiðlunarefni.
Öll börn og ungt fólk að 18 ára aldri geta fengið ókeypis bókasafnsskírteini en þau sem eru yngri en 12 ára þurfa að hafa samþykki forráðamanns við innritun í safnið. Glatist skírteini þarf að greiða fyrir nýtt samkvæmt gjaldskrá.
Tölvur
Börn og unglingar (12 ára og eldri) hafa aðgang að netkaffitölvu safnsins og handhafar lánþegaskírteinis greiða ekki fyrir aðgang að tölvu að 30 mínútum hvern dag.
Sumarlestur
Sumarlestur er lestrarhvetjandi verkefni sem bókasafnið stendur fyrir í samvinnu við skólasafnverði grunnskólanna. Sumarlestur er fyrir börn á aldrinum 6 - 12 ára og hefst er skóla lýkur á vorin og stendur fram til mánaðarmóta julí-ágúst. Sjá frétt.
Sögustundir
Fastur tími fyrir sögustundir verður á þriðjudögum yfir vetrartímann. Sögustundir beinast fyrst og fremst að leikskólanemendum og geta leikskólar pantað tíma í afgreiðslu bókasafns s. 433 1200 eða sent póst á asta.bjornsdottir@akranes.is . Umsjónarmaður sögustunda er Ásta Björnsdóttir, bókavörður.
Safnkynningar
Tilgangur með safnkynningum er að börnin læri að þekkja bókasafnið sitt. Þar á meðal með því að vita s.s. hvar hvað er að finna, hvaða þjónusta er boðið upp á. Nemendum er sýnt safnið og vakin athygli á fjölbreyttum safnkosti, þar á meðal bækur í öllum stærðum, mynddiskar, tímarit tónlist, hljóbækur o.fl.
Áhersla er helst lögð á að allir nemar í 4. bekk grunnskóla komi í heimsókn og einnig börn af leikskólum. Hægt er að panta tíma fyrir safnkynningu eða sögustund fyrir aðra hópa.
Safnaheimsóknir
Hægt er að óska eftir og panta aðstöðu og aðstoð vegna þemavinnu, ritgerðavinnu eða hvað annað sem verið er að vinna með kennslu hverju sinni.
Nánari upplýsingar eru í s. 433 1200 eða bokasafn@akranes.is
Bangsavefur
BarnUng
IBBY á Íslandi
Leikjavefur
Sagnaarfur Evrópu
Vestur til Vínlands
Vísindavefurinn