Sumarlestrinum lauk 13. ágúst og að þessu sinni tóku 105 börn þátt og lásu samtals 662 bækur eða 56.149 blaðsíður. Þessir krakkar hafa eflt lestrarfærni sína í sumar og eru vel undirbúin fyrir komandi skólaár. Margir krakkar hafa líka verið að lesa fyrir spurningakeppni grunnskólanna sem þar fer fram í haust.  Mikill metnaður er hjá krökkunum að koma vel lesin fyrir  keppnina. Á miðvikudaginn 18. ágúst var Húllumhæ hátíðin og var farið í ratleiki og þrautir. Vel var mætt á hátíðina, 50 börn og skemmtu sér allir konunglega. Allir þátttakendur fengu íspinna í lokin. Styrktaraðilar gáfu vinninga,  alls voru 12 vinningar dregnir út  í ár og hafa þegar verið afhentir.